Mitaa na Koo

                           

Luhira ni kitongoji kilichopo katika kata ya seed farm kwenye halmashauri ya Manispaa ya Songea, kilometa nne mashariki kwenye barabara iendayo Tunduru. Ni eneo lenye umuhimu wa aina yake katika ustawi wa mji wa Songea kutokana na kuwa na vitu kadhaa, baadhi yake ikiwa ni mito miwili ya kudumu yenye maji safi wakati wote wa mwaka, mto fataki na mto luhira ambao kwa sasa ni mto wa hifadhi unaotumika kwa mradi mkubwa wa usambazaji maji. Pia Luhira kuna shule kongwe ya sekondari ya Songea Boys High School ambayo kwa kweli ni miongoni mwa taasisi kubwa kabisa za elimu za umma nchini. Pia kuna mlima Unangwa.

Luhira ni kubwa, na imegawanyika katika mitaa kadhaa, ambayo imepewa majina kulingana koo zilizokuwa zikiishi maeneo hayo tangu zamani.

                                 i.            Kwa Mchawa

                               ii.            Kwa Mangoma

                              iii.            Kwa Mkeso

                             iv.            Kwa Mngwale

                               v.            Kwa Kipande

                             vi.            Kwa Msabata

                            vii.            Kwa Kapolo

                          viii.            Kwa Koplo

                   ix.        Kwa Rupia
Jamii ya wanaluhira ni jamii mchanganyiko yenye watu wa makabila tofauti. Mitaa yetu ina majina ya koo si kwa maana ya kuwa eneo hilo linakaliwa na wanaukoo wenye jina hilo pekee, la. Ni kwa sababu hapo zamani eneo fulani lilikuwa likimilikiwa na watu wa ukoo fulani wakiishi na kuendesha shughuli zao nyingine za uzalishaji mali.